RD Minister Pu Lalruatkima chuan Project Director leh Block Development Officer-te chu mirethei dawm kan nan leh ram hmasawn nana thawktu an ni tih hre reng turin a chah a, an bial hre chiang a, Scheme hrang hrang te fel leh dik taka kalpui a ni em? tih uluk taka vil turin a chah a ni.
District leh block hrang hrangten thingtlang hmasawnna tur scheme hrang hrang an kalpui dan thlirho a ni a. Hmasawn an ngaihna lai te an sawiho a, Sorkar laipui kaihhruaia Mid-term Review meeting neih huna report felfai tak an chhawpchhuah theih nan tuna an hnate huntiam chhunga zo hman turin ruahmanna an siam a ni.
Mizorama khaw hrang hrang dinhmun hriat chianna turin Mission Antyodaya survey neih a nih tur thu \hutkhawmnaah hian sawilan a ni bawk.
