Meeting kaihruaitu Chief Minister chuan Rubber & Allied Crops Development Board in hma a lakna turah sum a chantir theih thing leh thei rah chi hrang hrang zau taka a huam theih thu a sawi. He Board Chairman Land Resources, Soil & Water Conservation Minister Pu R Lalzirliana pawhin State \henawm Tripurin Ruber atanga sum an hmuhchhuah te chu an state sum leh pai dinhmun puitu a nih thu a sawi a, mithiam ten an zirchiannaah Tripura Rubber aiin Mizoram a rubber te chu a hlawk zawk a, tun dinhmunah rubber ching chhungkaw 1300 bawr vel awm tih Mizoram Rubber Plantation Association-in an chhin chhiah a ni a ti a, an rubber kung neih belhkhawm chu kung nuai 11 bawr vel tura chhut a ni a, kung nuai 6 chuang chu kumin hian hnai theih beisei a ni a ti. |hutkhawmnaah hian Rubber, coffee, hmunphiah, kuhva leh thil dang te chu a \hat theihna tur hmun te enfiah a, bawh bik neia hmalak dan tur duan nise an ti a ni.
Rubber & Allied Crops Development Board-ah hian Land Resources, Soil & Water Conservation Minister Pu R Lalzirliana chu Chairman a ni a, Pu Lalrinsanga Ralte MLA Vice Chairman a ni.
