Supply Minister, Pu John Rotluangliana’n tun hnaiah ruahsur nasa vangin harsatna thleng mah se, ei leh barah mipui tan hluahthawn tur a awm lo tih Zonet a hrilh.
Vawiina khaw awmdanin ziaawm lam a pan avangin Pathianni zan a\anga ruahsur nasa kaihhnawiha harsatna hrang hrang thleng chuan ziaawm lam a pan.
Mizoram ch^k lakna kawngpui ber Silchar-Aizawl-Lunglei-Lawngtlai kawng National Highway 54 pawh Serchhip thleng siam tlang a ni leh tawh a, Mualkhang Gas Bottling Plant bula lei tawlhin a hnawh te, Aizawl Hunthar Venga lei tawlhin a hnawh te leh hmun danga leiminin a hnawh te chu lirthei chitin kal theiha siamtlang a ni leh tawh a, PWD hotute sawi danin Mualkhang Gas Bottling Plant bula lei tawlhin kawng a hnawhpinnaah hian kawng chhuat a diak vang leh nal vangin motor lian rit phur tan tlemin kal a harsa deuh a, Hunthar Venga lei tawlhna hmunah pawh a nal deuh avangin kal a harsa deuha, a inchhawkin lirthei te tlan tir a ni.
—————–
Hetihlai hian National Highway 54 hi Serchhip khaw tawpa Sailiam kawn bulah mual tawlh vangin a khi chat phawk a, hei hi a chet zel avangin motor lian rit phur tan tlan kai a har thuai dawn niin PWD hotute chuan an sawi a ni. He kawng khi chat hi a theih dan ang angin hnawhpina motor kal theih tura siam leh tum a ni. He lei chetna hmunah hian Hnahthial kawlphetha pekna banpui pawh lei che hian a minpui a, helai hmuna mihring chenna in pawh vawiin khan \hiah a ni.
—————
Aizawl-Thenzawl World Bank kawng nimin lama lirthei chitin kal theiha siamtlang chu Ramtuilaitui khaw chhunga nimina leiminna hmuna leimin nawn lehin tukin khan a hnawhping a, hei hi kawng enkawltu PWD te chuan khawl hmangin an thian nghal a, lirthei chitin kal theihin vawiin chawhnu dar khat khan siamtlang leh a ni. He kawngah hian tun hnaia ruahsur nasa avangin leimin neuh neuh leh lung tla hmun tam takah a awm a, amaherawhchu, hengte hi motor kal theiha thenfai leh vek tawh a ni a, Tlawng leh Pukpui inkara kawng chhiat zualna lai tun hnaia concrete-a siam hna zawhfel a nih hnuah helai hmunah hian buaina a awm zui lo a ni.
—————
Tuirini-a lei lailawk dawh chu tuilian in a chim vangin vawiin thleng khan he kawngah hian lirthei a la tlan thei rih lo a, vawiin chawhnu khan East Phaileng Branch YMA chuan an member pui Lalchhanhima dam lohna vanga Khawruhlian PHC panpui, Aizawl lama Doctor in a lo refer chu Tuirini ah zawn kai an tum a, Tui a len avang leh mihring kalkai chi a nih loh avangin lawngleng hmangin dam lo hi ral lehlamah an dah phei a, Aizawl lam a\ang lo changtuten dam lo hi an hruai ta a ni.
PWD hotute hnen a\anga thudawn Tuirini lui hnar lama hume pipe hmanga lei lailawk dawh chu tuiin a chim avang leh tui lian hi nasa taka a luan liam avangin Sesawng lam luikama lei dawhna bak luikam tuilian hian a la bal a, hemi avang hian he kawngah hian lirthei eng chi mah a tlan thei lo a ni. PWD hotute chuan lung thirlena fun khawma a kara hume pipe 16 tlara lei lailawk an dawh hi lirthei chitin kal theiha siam leh turin beih mek a ni a, tuilianin lui kam a lak heknaah hian tihdan pangngaiin lung vawm khaha thirlena \awn khawm leh a ni ang a, a rang thei ang bera lirthei kal theiha siamtlang leh tum a ni.
—————
Lunglei-Buarpui kawng chu Kawlhawk leh Buarpui inkarah nasa takin a khi chat. Kawng enkawltu PWD hotute hnen a\anga thudawn danin he kawngah hian lirthei eng chi mah a kal thei lova, kawng chhuat tlahniam hi tlem tlemin a la che zui a ni. He kawng hi lirthei kal theiha siam leh thuai turin khawl hmangin a khi chat lai siam ruala hnawh mar tum a ni a, khaw awmdanin a zir chuan hun reilote chhungin lirthei kal theiha siam leh theih tum a ni ang.
Hetihlai hian Lawngtlai-Siaha kawng te, Aizawl-Champhai kawng te, Aizawl-Mamit kawng te leh Lunglei-Tlabung kawng te chu a la tlang zel nia thudawn a ni.
———-
Hunthar venga NH 54 lei tlahniam leh a chhak lama lei tawlh nawn leh avanga hmun him lama insawn chhuak chhungkaw 21 an tling tawh a, vawiin lamah ruah a sur chhunzawm loh avangin lei che thar leh erawh a awm rih lo. Hunthar veng Local Council Chairman Pu Lalhmangaiha Renthlei hnen atanga Zonet thudawn danin he lei tawlh hlaua inthiar chhuak chhungkaw 21 te hi khawtlangin an bungrua te hnatlangin an thiar chhuahpui a, chhungkhat laina hnai in vawm luhna tur nei lo chhungkaw 6 te chu Edenthar venga in nei lote tana sorkar in sakah an indah lut tih a sawi. Pu Lalhmangaiha Renthlei chuan, lei tawlhna laiah hian tuitai put a awm reng avangin lei hi tlem te te in a che deuh reng tih a sawi a, bialtu MLA Pu Lal Thanzara chuan a \ula hman turin khawtlang hruaitute kutah cheng sing 1 a hlan a, Aizawl Mayor Pu PC Lalhmingthanga, bialtu Councillor Pu Lalmuanpuia te bakah councillor dang te pawhin helai hmun hi an tlawh tawh a, Aizawl DC lam pawhin an vil reng bawk. He lei tawlhin a hnawh NH 54 chu PWD lamin lirthei kal theihin siam tawh mahse lei hi JCB hmanga la then reng a nih avangin lirthei hi a chhawka tlantir a la ni.
——————-
Sateek-Darlung-Buarpui kawng Darlung khaw chhunga kawng peng\huam laia tla hniam chuan zual lam a pan zel a, lirthei kal theih loha a awm bakah a bul hnaia Pu Vanlaltluanga in leh Pu Chalchhingpuia in te chu vawiin khan \hiah a ni a, nimin khan Pu C. Lalhmunsiama in pawh \hiah a lo ni tawh a ni. He kawng chhuat tla hniam leh khi chat hi motorin a kal kai leh theihna turin a hnawh hna leh siam rem hna thawh thuai a ni ang.
—————-
Tlawng lui lian in kam lam a pan a, Sairang-a in 10 a chim zinga \henkhat chu vawiin lamah a kam san tawh. Sairang VCP Pu R. Vanlalrammawia hnen a\anga Zonet thudawn danin, khua a \hat tak avangin tui hi a kam chak viau a, tuiin a chim zinga a hniam ber Pi Kaithuami in pawh tui hian hlam 2 velin a kam san tawh a ni. Sairang VCP chuan tui lian in a chim in 10 luahtu chhungkaw 12 te hian an inchhung thianfai nghalin naktuk lamah chuan an luah theih beisei a ni a ti.
