Lawngtlai District huam chhunga Community Health Center leh Primary Health Center-a Medical Officer te, hmun hrang hranga Health Supervisor leh Health Worker-te chu vawiin khan Lawngtlaiah kum 2018-19 chhung atana RSBY hnuaia inziak lut thei turte hming ziah dan tur leh hamthatna an dawn theih dan tur zirtir an ni a, CMO Conference Hall-a an thutkhawmna hi Chief Medical Officer, Dr. Thani Pachuau-in a kaihruai a, Mizoram State Health Care Society-a Officer on Special Duty, Dr. C. Lalthanpara leh Dealing Manager, Pu Zirsangliana’n mi retheiten damloh nikhuaa damdawi ina an inenkawlna senso an hmuh let theihna tura RSBY an hman theih dan an sawifiah a ni. RSBY hnuaiah hian mi retheiten damdawi ina inenkawlna senso, kum khat chhungin Rs.30,000/- thleng an hmu leh thei a, kum 2016-17 chhung khan RSBY hnuaiah damlo enkawl nan cheng vbc. 12 sen a ni.
