Myanmar thupuangtu Zaw Htay chuan UN Human Rights Council report chu an pawm lo tih a sawi a, hemi hmalam hian China chuan UN report chu \ha a tih loh thu sawiin Myanmar nawr chiam chuan thil \ha a hriang dawn lo niin a lo sawi tawh bawk. Zaw Htay chuan Human Rights bawhchhiatna reng reng Myanmar in na takin a do let zel niin a sawi a, UN mi tirh Fact Finding Team te chu Myanmar luh phalna an pek loh thu sawiin, hei vang tak hian an report pawh Myanmar chuan a pawm lo a ni a ti a, Myanmar chuan UN Human Rights Council puhna dik lo chhui turin Independent Commission of Enquiry a din ve nghal tih a sawi. Myanmar sipaite hotute pawhin dan bawhhiat an nei lo tih hi an lo sawi tawh a, Myanmar nena sumdawnna kawnga thawhdunna \ha tak nei mek, China chuan Myanmar Rakhine State dinhmun thu thil buaithlak tak leh hriatthiam harsa tak a ni tih a lo sawi tawh a, China Foreign Ministry thupuangtu Hua Chunying chuan Myanmar kawh rawn leh nawr ringawt chuan harsatna a sukiang thei lo niin a sawi. Nikuma sipaiten Rakhine state-a beihpui an thlaknaah khan mi sang tel tam tak an thih bakah Rohingya Muslim 700,000 zet chu Bangladesh ah an tlan chhia a ni.
