Supreme Court-in Rohingya Muslim-te chungchang chu thu tling tak, nghawng lian tak nei thei a ni tih a sawi a, thla leh ni 21-ah hemi chungchang hi a ngaihtuah chhunzawm tur thu sawiin, thil hmanhmawhthlak bik a awm chuan hemi hma pawh hian Court-ah thlen theih reng a nih thu a sawi. Court sang ber chuan Rohingya Muslim-te chungchang thubuai hi huam zau taka ngaihtuah a \ul thu sawiin, ukil hmingthang, Fali S Nariman-a thusawi ropui tak pawh, a ngaihnawm avang ngawta inhruai botir a tum loh thu a sawi. Union Home Ministry chuan thla thum vel kal ta khan, Myanmar a\anga Rohingya Muslim ral tlante hian ram himna a tihbuai theih b^kah, mi firfiak pawl an zawm thei mai dawn niin a lo sawi tawh a, July thla khan state sorkar te pawh dist. tina thil awm dan viltu tur siam a, dan kalha lo l<t apiang thawn kir turin a lo hriattir tawh a ni. August ni 9 khan sorkar chuan, India ramah hian Rohingya mi 14,000, UNHCR chhinchhiah an awm niin Parliament a lo hrilh tawh a, tunah hian dan kalha awm, 40,000 vel an awm nia hriat a ni a, Jammu, Hyderabad, Haryana, Uttar Pradesh, Delhi leh Rajasthan-ah an awm deuh ber nia hriat a ni. September thla khan sorkar chuan hei hi thil hlauhawm leh ngaihven ngai tak a ni tih court sang ber hi a hrilh leh a, United Nations Human Rights Council pawh, Rakhine state-a thil awm dan chu vil ngun a \ul thu a hrilh bawk a ni. Tunah hian Rohingya Muslim 5,00,000 chuang zet chu Bangladesh ramah an l<t tawh nia hriat a ni bawk.
Chanchin Thar Rohingya Muslim-te chungchang chu thu tling tak, nghawng lian tak nei thei...
