Rohingya muslim raltlante chuanna lawng pil, mi 60 thi

Myanmar a\anga Rohingya Muslim ral tlan tumte chuanna lawng a leh avangin mi 60 an thi a, midang eng emaw zat chin hriat lohin an la awm. BBC sawi danin, he lawng hian Naf lui zawhin nimin khan Bangladesh a pan a, vau kam thlen dawn hnaihah tui hnuaia thil eng emaw a sut avangin a chesual a ni. Thi, hriat chian tawh chu 23 an ni a, ni 40 vel an la bo bawk niin BBC chuan a sawi a, lawng hi hmun hnihah a phel niin mita hmutute chuan an sawi a, thi zingah hian naupang leh hmeichhia pawh an awm nual tih an sawi bawk. Bangladesh police-te chuan he lawng chesual a\ang hian mi 18 an dam chhuak niin an sawi a, dam chhuakte chuan mi 80 vel an chuang nia an inhriat thu leh, naupang 50 vel an tel nia an hriat thu an sawi a ni. He lawnga chuangte hian zankhuain ei tur engmah an nei lo niin an sawi bawk. Rohingya Muslim-te chenna, Myanmar rama Rakhine hi UN miten vawiin khan tlawh an tum na a, khua a chhiat em avangin hun danga tlawh atan sawn a nih thu, vawiin vek khan puan a ni. Rohingya Muslim-te laka Myanmar sorkar chet dan hi UN chuan na taka demin, a hnam suata suat tumna ni hialin a sawi a, Myanmar sorkar erawh chuan hei hi thu dik lo niin a sawi. Nimin khan UN-a US Ambassador, Nikki Haley chuan Myanmar sorkar hnena ralthuam pe thinte chu pe tawh rih lo turin a ngen a, mi dang laka pawi khawih nana ralthuam hmang \hinte chu p>k belh chi an ni lo tih a sawi. UN Secretary General, Antonio Guterres pawhin UN General Assembly hmaah, Myanmar rama thil thleng chu mihring chunga thil thleng rapthlak tak leh, insuatna namen lo tak niin a lo sawi tawh a ni.