Myanmar a\anga Rohingya Muslim ral tlan, Bangladesh-a cheng mekte zingah hrawk lam natna hlauhawm leh inkai chhawn awlsam tak, diphtheria a lêng niin World Health Organization-in a sawi a, tun thla ni 10 khan raltlante hriselna dinhmun an enna-ah hmeichhe pakhatin he natna hi a vei tih hriat a ni a, enkawlna a lak chhunzawm loh thu leh amah an zawn hmuh theih loh hnuah, hetiang natna hi vei dang hi hmuh leh niin tih a sawi. Rohingya ral tlan tam zawkte hi hri danna la lo an nih avangin, naupangte phei chu an taksain natna hrik do theihna a nei chhe hle a, raltlante zingah hian tui hri leh sentut pawh a lo leng tawh a, August ni 25 leh November ni 11 inkarah khan kaw\halo, mi 45,790 an awm tawh bakah, mi 11 an thi tawh a, mitliam leh thin natna, Hepatitis E pawh leng mai thei a ni tawh niin thuneitute chuan an sawi a ni.
Chanchin Thar Rohingya Muslim raltlan zingah diphtheria lên hlauhawm
