Rohingya Muslim mi 10 ruang chharte thahna-ah sipai inhnamhnawih ngei tih Myanmar-in sawi

Myanmar sorkar-in thla hmasaa Rohingya Muslim mi 10 ruang chhar-te thahna-ah an sipaite an inrawlh ngei tih vawiin khan a sawi. Sorkar thupuangtute sawi danin, Inn Din khaw daiah mi 200 vel pungkhawmin, tiang leka sipaite an beih hnuah, hnawh darh tumin sipaite chuan van lam hawiin silai an hmet puak a, Bengali mi firfiak nia hriat, mi 10 an man bawk a, heng mite hi thlanmualah hruaiin, sipaite hian an thlan tur an laihtir a, mi eng emaw zat pung khawm lehin buaina a chhuak zui leh a, sipaite hian an kap ta a ni. Myanmar sorkar chuan buaina chhuak hi sipaiten mi firfiakte zawn chhuah tuma beihpui an thlakna lama thil thleng niin a sawi a, pung khawmte leh sipai lamten dan an bawhchhiat ve ve avangin, a inhnamhnawih zawng zawng chu hrem vek an nih tur thu a sawi bawk.