Rohingya Muslim hel pawlten remna leh muanna awm theihna tura Myanmar sorkar thil tih apiang thlawp an inpeih

Myanmar ram, Rakhine state-a Rohingya Muslim hel pawl, Arakan Rohingya Salvation Army-ten remna leh muanna a awm theihna tura Myanmar sorkar thil tih apiang thlawp an inpeih thu an sawi. ARSA pawlin Myanmar sorkar laka inkah hai an lo puan tawh chu Thawh\anni hian a tawp dawn a, engtinnge an chet chhunzawm zel dawn hriat a la ni lo a, Rohingya Muslim-te awp beh leh tihduhdah an nihna tihtawp an la tum reng tih erawh chu an sawi a ni. Puan tawh angin, ARSA hian September ni 10 khan thla khat atan inkah hai an lo puang tawh a, Myanmar sorkar erawh chuan mi firfiak pawlte hi biak a tum loh thu a sawi ve thung a ni. ARSA hruaitu, Ata Ullah chuan March thla khan Buddhist sakhaw betute leh Muslim-te inkara buaina chhuak \hin avanga an pawl hi din an nih thu leh, an thil phut ber chu Rohingya mite, Myanmar ram mi dik taka pawm a nih thu a lo sawi tawh a ni.