Rohingya Muslim hel hovin an hnam mite chhan nana Myanmar sorkar sipaite beih mai loh chu tih theih dang an nei lo niin nimin khan an sawi a, an hnam mite kawng hrang hrangah en hran nia sawiin, an hnam kal zel dan tur hi sorkarin a ngaihtuah dawn a nih chuan, an hnam aiawhte biakrawn ve an ph<t thu an sawi a ni. Arakan Rohingya Salvation Army (ARSA) hian nikum August ni 25 a\ang khan sorkar sipaite hi an bei a, hei hian buaina namen lo a tichhuak ta a, tharum thawhna, pawngsual leh chenna in hal te a awm chhoh tak zel avangin Rohingya mi 6,50,000 velin Bangladesh an pan phah a ni. United Nations chuan Myanmar sipaite ch>t dan chu hnam suat tumna-a a ngaih thu a sawi a, Myanmar sorkar erawh chuan hei hi a pawm lo hle a ni. Zirtawpni khan ARSA ho hian Myanmar sipai motor an lambun leh a, sipai engemaw zat an hliam a ni. ARSA chuan Myanmar sorkar chu sipai chakna hmanga Rohingya mite suat tumah puhin, an hnam chhan nan sipaite hi an bei let ve lo thei lo niin a sawi a, an hruaitu, Ata Ullah-ah he thu hi Twitter hmangin a thehdarh a ni. ARSA chuan Islam mi firfiak pawl nena inzawmna engmah an nei lo niin an sawi a, Rohingya mipuite laka tharum thawhna leh tihduhdahna erawh chu an do tlat tur thu an sawi a ni.
Chanchin Thar Rohingya muslim hel hovin sipai beih loh chu tih theih dang nei...
