Regional Institute of Paramedical and Nursing Sciences (RIPANS)-a kumina Department 6 a\anga zirlai pass thar-te thlahna leh, Bachelor of Nursing zirlai thar 35-te lawmna, Lamp Lighting Ceremony chu Youth Services Minister, Pu Zodintluanga’n nimin tlai khan a hmanpui a, damlo enkawlnaah dawhtheihna, hawihhawmna, \awngkam \ha leh hmangaihna a pawimawh tih sawiin, hetiang hmang hian mipui rilru mangang pawh thawi dam theih a nih thu a sawi bawk. Minister hian zirlai ti\ha zualte hnenah chawimawina a sem nghal a ni. He inkhawm hi Asian Institute of Nursing Education Principal, Dr. Unmona Borgohain Saikia-in a kaihruai a. RIPANS Director, Dr. Chawngthanliana pawhin thu a sawi a ni. RIPANS a\ang hian kumah hian Bachelor of Nursing, Bachelor of Pharmacy, Bachelor of Science in Medical Laboratory Technology, Bachelor in Optometry, Bachelor of Science in Radio Imaging Technology leh Master of Pharmacy a\angin graduate thar 161 an awm a. RIPANS hi kum 1996 khan North Eastern Council-in hmar chhak bial tana Paramedical leh Health Sciences zirna atan a din a. Kum 2007 April thla a\angin sorkar laipuia Health & Family Welfare Ministry hnuaiah an awm a, tunah hian zirlai 682 an awm a ni.
