Hriattirna lehkha a pekah ECI chuan, Prism Party chu Register Party a ni tih sawiin, ram danpuiin a sawi angin Political Party-te chu ram danpui hnuaiah an rinawm tur a ni a. India ram inpumkhatna leh himna an ngai pawimawh tur a nih laia Mizoram CEO hnen a\anga lehkha an dawnah Lok Sabha inthlanpui neih lai khan Prism chuan India ram a\anga inla hrang tura, Right to Secession Bill put luh chu inthlan auhlaah a hmang chu ram danpui kalh a nih avangin an thil tih dan chu sawifiah turin a ti a ni.
ECI a\anga insawifiah tura tihna an dawn chungchang Zonet zawhna chhangin Prism Party hruaitute chuan, inthlan dawna Right to Sescession Bill an aupui chungchangah tun \um hi insawifiah tura hriattirna an dawn \um 3-na a ni tih an sawi a. Heng hriattirna an dawnte hi a hun takah an chhang nghal vek a, tuna hriattirna an dawn leh pawh hi vawiin khan ECI-ah insawifiahna an thawn nghal tih an sawi. Prism hruaitute chuan, Lok Sabha inthlanpui neih dawn khan sorkar laipuia thuneihna chang mektu BJP Party hotute chuan inthlanah hnehna an chang chhunzawm a nih chuan Citizenship Amendment Bill chu thar thawh a nih tur thu nan puang tih an sawi a. Hei hi hnam hnuaihnung leh tenau, a bikin Hindu sakhaw zuitu ni ve lote tan inchimralna kawng awlsam tak a nih avangin CAB hi thar thawh a nih chuan Right to Secession Bill hi Parliament-a an put luh ve tur thu an puang ta a ni, an ti a. Inthlan Campaign auhla atana he thil an aupui chungchangah hian ram danpui bawhchhiatna emaw zah lohna emaw a awm lova, hei hi CAB dodalna atana an tih mai a nih thu ECI hnena an insawifiahna hian chiang takin an tarlang tih an sawi.
