Viral Acharya hi RBI deputy governor pali zinga pakhat a ni a, kum 2016 December thla khan a hna hi a zawm a, a banna lehkha thehluh hi thuneituten an ngaihtuah mek tih RBI chuan a sawi. Tun hnaiah RBI Governor Urjit Patel pawh a lo bang tawh a, a ban chhan hi sorkar nena an ngaihdan inan loh vang nia sawi a ni. Viral Acharya hian tunhnai khan RBI hnathawh phungah pawn lam a\anga inrawlh tumna a awm anih chuan thil vanduaithlak tak a ni ang tih a lo sawi chhuak tawh a ni.
RBI thuchhuah tarlan danin Viral Acharya hian tunhnaiah lehkha thehlutin July ni 23 hnu lamah chuan a hna a chhunzawm theih tawh loh tur thu a sawi a, business standard chanchinbu tarlan dan chuan New York University Stern School of Business ah Economic Professor hna a zawm a ni.
RBI Governor ni \hin Urjit Patel kha nikum December thlaah a bang a, a ban hnuah Viral Acharya pawhin a term a hmang zo dawn lo nia sawi chu RBI hian thu dik lo a ni a lo ti tawh a, tunah hian a takin Viral Acharya hi a bang ve leh ta a ni.
Urjit Patel-a a ban \um khan eptu pawl te chuan sorkar chu RBI kalphunga inrawlhah leh RBI tih chhiat tumah an lo puh tawh a, tuna Deputy Governor a ban veleh takah hian congress thupuangtu Randeep Singh Surjewala chuan sorkar inthlak mahse ram sum leh pai dinhmun an enkawl dan dik lo erawh a la ngai reng a ni a ti a, sorkar chu RBI kalphung ti chhiaah a puh a ni.
