Reserve Bank of India in beisei loh takin commercial bank ten sum an puk a\anga a pung a lak \hin, reverse repo rate chu za zela 4 a\angin 3.75 ah a ti hniam leh a, bank hrang hrangin loan tam zawk an pek theihna tur ruahmanna a ni.

RBI Governor Shaktikanta Das chuan sumdawng tenau zawkte harsatna sukiang turin ruahmanna hi siam a ni tih a sawi a, financial institution te chu a bikin remchanna siam sak zel an ni ang tih a sawi bawk.

RBI Governor chuan thil zawrhna hmun \ha taka a kal zel theih nan he hmalakna hian a pui dawn a ni a ti a, bank hrang hrang phurrit chhawkna tur a nih bakah a mamawhte hnena sum tam zawk an puk chhuah tir theihna tur ruahmanna a ni a ti.

Das chuan Covid-19 vanga ramin harsatna a tawh dan chu RBI-in a vil reng tih sawiin, hri leng vanga ram chhung sum dinhmun a tlak chhiat lutuk loh nan thil tih tur \ul pawimawh a piang RBI chuan a ti nghal zel dawn a ni a ti a, tun dinhmunah ram chhung sum dinhmun chu a la pangngai thawkhat tih a sawi bawk.