Republic Day vawi 71-na chu Mizorama District khawpui hrang hrang leh khaw lian zualahte nimin khan hman a ni a, Sorkarin District a siam thar pathumah te chuan bawrhsap hova republic day hman vawi khatna a ni.

Khawzawlah chuan Khuallian District Bawrhsap H. Lianzela’n Hnam Puanzar pawtpharhin Parade te chibai buk a chhanglet a ni.

Khuallian in thuchah a sawi hnuah Khawzawl District huamchhunga infiammi hlawhtling hmeichhia 4 – Nula Lalvenhimi, Khawhai; Nula PC. Lalhmingtluangi, Khawzawl Darngawn veng, Pi F. Lalrempuii, Khawzawl Zuchhip veng leh Nula Lalchhanhimi, Khawzawl Darngawn vengte hnenah chawimawina thuziak leh cheng 2,000/- theuh a hlan a ni.