Tun kar Zirtawpni, tun thla ni 26-a Republic Day 69-na lo thleng tur lawmna atan inpuahchahna chu chhunzawm zel a ni a. He ni hi ram chhung hmun dangte ang bawkin Aizawl leh District khawpui dangah te lawm a ni ang. Aizawlah chuan he ni lawmna hi Lammual-ah Larsap, Lt. General Nirbhay Sharma hovin hman a ni dawn a, zing dar 9-ah Larsap hian Hnam puanzar pawt pharhin Parade Contingent-te chibai a chhang ang a, Republic Day thuchah a sawi nghal dawn a ni. Larsap hian ram pum huap leh state huapa chawimawina dawngtute chawimawina a hlan ang a, Parade ti\hate lawmman a sem bawk ang. Lammuala Republic Day lawmnna hman zawh a nih hnu hian Larsap hian a chenna Raj Bhavan-ah sawm bikte tan thingpui ruai a buatsaih leh dawn a ni. Republic Day-ah hian sorkar in leh hmun pawimawh laiahte zing ni chhuah rualin Hnam Puanzar zar a ni dawn a, sakhaw hrang hrang betute leh Kohhrante chu ram himna leh inlungrualna atana \awng\ai tura ngen an ni.
