Republic Day 69-na chu naktukah ram pumah ropui taka lawm a ni dawn a, he ni hi ram danpui hman \an champha a ni. A lawmna pui ber tur, Delhi-a India Gate-ah inkhawm ropui tak a buatsaih ang a, kuminah khian khuallian 10 an awm dawn a – Thailand, Vietnam, Indonesia, Malaysia, Philippines, Singapore, Myanmar, Cambodia, Laos leh Brunei ram hruaitu lute an tel dawn a ni. Kumina Republic Day parade-ah hian klhawmual, thlawhna leh lawng sipaite an tel ang a, ram chhung hmun hrang hranga zirlai 700 velin an thiam an entir bawk ang a, BSF sipai, hmeichhe hlang, bike chuan thiamten an thiam an entir bawk ang. Heng BSF sipai hmeichhe rual, mi 27 hi ‘daredevils’ squad tih an ni a, Royal Enfield Bullet motorcycles, cc 350 a chak hmangin an thiam an entir ang.
He ni pawimawhah hian ven himna pawh uluk lehzual a ni dawn a, Delhi-a kawngpui tam tak chu khar a ni ang. Republic Day Parade hi Vijay Chowk-ah zing dar 9:50 ah \an a ni ang a, heta \ang hian Rashtrapati Bhavan bula Raisina Hill kal tlangin Rajpath an pan ang a, India Gate kal tlangin Red Fort an thleng dawn a ni. Vawiin tlai dar 3 a\ang khan Delhi Traffic police chuan kawngpui tich>p thei leh ch>t velna tibuai thei reng reng, Rajpath leh Vijay Chowk velah an khap vek tawh a, he ni lawmna hian Delhi lei hnuai rel tlan dan leh thil dang pawh a nghawng dawn avangin, mipuite chu an ch>t vel dan turah ni dang ang a ni dawn lo tih hre turin an hrilh a ni.
————–
Nakt<ka Republic Day lawmnaa khuallian tur zinga pakhat, khawvela mi hausa berte zinga mi, Brunei lal, Sultan Hassanal Bolkiah chuan nimin khan Delhi a lo thleng tawh a, amah hi Kumpinu tih loh-ah chuan lal rei ber a ni tawh a, a thlawhna chu aman a rawn khalh a ni. Sultan hi Indo-Asean Commemorative Summit leh Republic Day lawmnaah a tel ang. Delhi a lo thlenin Sultan hian a thlawhna a rawn khalh tih hriat a ni chauh a, a lo dawngsawngtute awhin mak an ti hle a ni. Kum 71 mi, Brunei lal hi Pu Narendra Modi-a’n thuneihna a chan a\anga a vawi khat lo zinna a ni a, kum 2008 leh 2012-a a lo zin pawhin a thlawhna a rawn khalh tawh a, ram danga a zinin, a thlawhna, 747-400 hi aman a khalh deuh zel a ni. Nikum October ni 5 khan Sultan hian kum 50 ro a relna a lawm tawh a ni. Thlawhna khalh b^kah Brunei lal hian car a lawm hle a, car za chuang a nei a, a lal inah, lei hnuaiah a dahna a siamtir a, khawvela car ngah ber pakhat a ni.
————–
PM, Pu Narendra Modi-a’n heng ram dang 10, Association of South East Asian Nations an tiha tel hruaitute pual hian zaninah zanriah a buatsaih dawn a, hemi kilpui tur hian Assam CM, Sarbananda Sonowal pawh sawm a ni a, ram dang hruaitute hian Delhi an thleng vek tawh a ni.
