Prism President, Pu Vanlalruata’n remna avanga lo kirte ngaihsak leh chhawmdawl kawnga hmala tha tawk lovah Sorkar a puh. He thu hi vawiin Mizoram State Day vawi 31-na puala an pawl Pisa Aizawla inkhawm an buatsaihah sawiin, State puitlinga Mizorama hlankai a nih theih nan leh Mizoten ram danpuia chanvo bik an neih theih nana hmalatu zawng zawngte chu an chhuang hle tih a sawi a. kum 20 chuang zet Mizoramin zalenna a sual hnuah remna hlawhtling ber a nei leh thei chu chhuan tham leh, hnam dang pawhin an awh tham a nih avangin an Party-in thuneihna a chang a nih chuan, zalenna leh remna hlutzia phochhuak turin hriatrengna danglam leh ropui bik an siam dawn tih a sawi. Pu Vanlalruata chuan, zalenna atana tha thawhtute chawimawi leh hriatreng nan hnam sipaite chu Land Revenue leh Property Tax an awl tir an tur thu a sawi bawk. He inkhawm hi an pawl Treasurer, Pu HK. Liansawta’n a kaihruai a, State Day chu ropui taka lawm tham a nih laia Sorkar berin a ngaihsak lo chu pawi an tih thu an sawi a ni.
