Reserve Bank of India-in Mahatma Gandhi lem chuanna, cheng 50 note thar hman tan thuai a nih tur thu a sawi a, he note thar hnung lamah hian Hampi lung tawlailir hmingthang lem nem kai a ni a, a rawng pawh a pawl lam a nih thu RBI thuchhuah chuan a sawi. He cheng 50 note thar hi mm 66 a hlai, mm. 135-a sei a ni ang a, RBI Governor, Urjit R Patel-a hming ziak nem kai a ni bawk ang. RBI chuan he note thar hi a hlui thlakna atan ni lovin, tihchhuah a nih hnuah pawh cheng 50 note hman lai hi hman zui zel a nih tur thu pawh a sawi a ni.
Chanchin Thar RBI-in cheng 50 note thar hmang thuai dawn
