Lalu Prasad Yadav hi pawisa tihchingpen thubuai-a lung in tang mek a ni a, CBI chuan Chief Justice Ranjan Gogoi-a kaihhruai Supreme Court Bench hmaah Lalu Prasad Yadav hi bail-a chhuah a nih chuan Lok Sabha inthlan atan campaign-na hun atan a hmang ang an ti a, thla 8 chhuang damdawi ina enkawlna dawng mek Yadav hian a riahna ward a\angin politics lam thil a buaipui mek tih CBI chuan an sawi bawk a ni. CBI chuan Yadav hi thla 168 chhung tang tur a nih laiin thla 20 chiah a la tang tih an sawi bawk.
Lalu-a ukil Kapil Sibal chuan kum 25 chhung ni loin kum 14 chhung zawk tang tura hrem a nih thu leh tlanbo tum tur chi a nih loh avangin bail pek a hlauhthawnawm loh a ni a ti a, Court erawh chuan bail pek hi hlauhthawnawm loh mahse, thiam loh chantir a nih avangin bail-a chhuah tir theih a ni lo a ti thung.
Kum 1977-a Saran a\anga MP-a thlantlin a nih a\angin tun \um hi inthlan atan a campaign loh vawikhatna a ni dawn a ni.
