Mizoramah chuan a hmanna inkhawm lian ber, New Secretariat tual zawla neihah Chief Secretary Pu Arvind Ray kaihhruaiin Secretariat-a officer leh staff zawng zawng ten a rualin thu an tiam a, an thutiamah chuan rinawm taka awma, ram dan \ha taka zawmte, thamna pek leh dawn lohte, hna engkim rinawm tak leh langtlang theia thawhte, mipui vantlang ham\hatna atan hna thawhte, mi dang tana entawn tlaka nunte leh hlemhletna thil thleng an hmuh chuan a bawhzuitu tur dik tak hnenah an thlen dawn thute an tiam a ni.
Hetiang bawk hian Department hrang hranga hna thawkte pawhin an Department hotu \hehu kaihhruaiin vawiin khan an Pisa-ah Corruption do tur leh India ram thar siam turin thu an tiam a ni.
Corruption do hapta hman \an nan hian tukin khan Aizawl khawpui chhungah sorkar hnathawkten kawng an zawha, Aizawl chhim lam a\anga kawng zawh \antute chu Sikulpuikawnah Deputy Secretary Pi Donnie in a vai liama, Hmar lam a\anga kawng zawh \antute chu Millenium Centre kawtah ACB SP Pu Laldawngliana’n a vai liama, hengmite hi Vanapa Hall kawtah an in tawk khawmah, hetah hian ACB Director, Pu Mukesh Kumar Meena kaihhruai in a rualin Corruption do turin thu an tiam a ni.
