Rampum huapa inkharkhipna thupek puan a nih avangin Goa-ah chuan ramdang mi khualzin sang 2 dawn an tangkhang a, heng mite thawn chhuah dan tur hi ngaihtuah mek a ni.

Tuipui kam, Goa-a tangkhang khualzinte zinga a tam ber chu British mi an ni a, ramdang mi tam tak chu thawn haw an lo ni tawh tih Travel and Tourism Association of Goa President Savio Messias chuan a sawi. Heng ramdangmi tangkhang mekte hian police te leh British Embassy pawh an be pawp a, an zinga mi \hekhat, mahni-a in luaha khawsa mekte pawhin eitur lam kawngah harsatna an tawk a ni. Hetihlai hian Germany leh Europe ram \henkhat mi leh sa 317 te chu Goa a\ang hian thlawhna hmanga thawn haw an ni a, thlawhna hi Frankfurt-a \um tur a ni a, hei hi Goa-a tangkhangte an thawn let \um 6-na a ni tawh tih Goa Airport thuneitute chuan an sawi.