Hawnna inkhawm ASEP President, Pu K. Lalmuansanga kaihhruaiah hian Pu Zonunsanga Khiangte chuan, ramngaw leh nungcha humhalh kawnga ASEP hmalakna chu chhuanawm a tih thu sawiin, ramngaw leh nungcha humhalh kawngah a mawhphurtu Department ber tlawmngai pawlte nawr kal chawp ngaia an awm chang a awm fo nia lang chu harh siam\hat a, harh thar a ngai hle nia a hriat thu a sawi. Pu Zonunsanga Khiangte chuan, ram a chhiat chuan a tuartu tur chu a chhunga cheng mipuite tho an nih avangin ramngaw leh nungcha humhalh chu mi zawng zawng mawhphurhna a ni tih a sawi a ni.
He seminar-ah hian Mizoram University-a Asst. Professor, Dr. KC. Malsawmzauva’n khawvel boruak inthlak thleng danglam zelin nghawng a neih hrang hrang leh ram leh nungcha humhalh tura kangmeichhuak thei laka inven dan hrang hrang a sawifiah a. Hetah hian Aizawla Solomon’s High School zirlai naupangte an tel a ni.
