Mizoram Police te chuan hming lang zinga 27 te chu mizo hming leh Mizoram chhunga address nei an ni tih an sawi a, mi 4 chu hnamdang, Mizoram chhunga address nei an ni a, mi pakhat chu Mizo hming, state pawn lam address nei a ni tih an sawi.
Mizoram police te hian mi 31 te hi chhuichiana finfiah vek an ni tawh tih an sawi a, Delhi Nizamuddin venga muslim inkhawmpuiah tumah an tel an awm lo a, mi pakhat, mizo hming, Lunglei address nei, biak pawh theih loh a la awm tih an sawi a, hming lang te hi helai bial chhunga an mobile kenga an kal vang chauha list-a tel an ni an ti.
Mizoram police te hian hming lanna lehkha hi Intelligence Bureau a\anga thuruk, confidential documents a ni tih an sawi a, khawi emaw a\anga lo darh behchhan-a mipui ti ralkhel thei zawnga Zoram Today tih facebook group pakhata thu post tu chu Aizawl police station ah thubuai siamsak a ni a, amah pawh man tawh a ni an ti.
