Punkhawm hi All India Kisan Sangharsh Coordination Committee, AIKSCC huaihawt a ni a, an pawl thuneitute chuan an hnuaiah hian loneitu pawl hrang hrang 207 vel an awm thu an sawi a, Ramlila-ah loneitu nuai khat vel an pungkhawm niin an sawi a ni. Jantar Mantar-ah hian police company 12 leh police hotu 850 vel tirh chhuah an ni a, October ni 2-a loneitu lungawilo Delhi khawpuia an punkhawm \um khan buaina a chhuak nual a, police-te chuan pungkhawm-te an lo dan bakah mittui tlakna hlo leh tui phuhna-in an lo dawngsawng a, AIKSCC hotute chuan tun \umah hi chuan sorkar mi pawimawhte an hmuh theih ngei an inbeisei thu an sawi a, Delhi Deputy Commissioner of Police, Madhur Verma chuan loneitute hi Ramlila a\anga Jantar Mantar thleng kawngzawh tur hian vawi eng emaw zat an inbiak hnuah phalna pek an nih thu a sawi bawk a ni. AIKSCC National Secretary Asish Mittal chuan punkhawm hi state hrang hrang 24 a\anga loneitute’n an zawm ve thu leh loan leiba leh an thlai thar hralhchhuahna tihsan an phut thu a sawi bawk a ni.
