Hetah hian Larsap, Pu Kummanam Rajasekharan khuallian a ni anga, hnam puanzar pawt pharhin Parade a endik anga, chumi hnuah mipuite hnena thuchah a sawi dawn a ni. Hemi hnu hian chawimawina dawngte tan leh Parade-a ti \ha te tan lawmman sem a ni anga, chhun dar 11-ah Larsapin mi pawimawh a sawm khawmte Raj Bhavan-ah thingpui a inpui dawn bawk a ni. Kumina Republic day, Aizawla lawmna neih turah hian Contingent 30 lam tura ruat an ni a, heng zinga 6 te chu silai keng chi an ni a, a dang 6-te chu silai keng lo an ni a, School Contingent 15 leh Band Party 3 an awm bawk a ni.
Puan tawh angin, NGO Coordination Committee chuan Sorkar laipuiin Citizenship Amendment Bill, 2016 Lok Sabha-a pass duh loh entirnan leh he bill hi Rajya Sabha-a pass a nih loh nan Republic Day lawmna neih tur hi boycott a tum a ni.
