Rambuai laia MNF sipai thi, mi 5 ruh ro lak khawm chu vawiin khan Aizawla Luangmuala Remna Run hmuna Martar Thlanmualah phum a ni a. Hemi puala inkhawm, Remna Run-a neihah MNF President, Pu Zoramthanga chuan, MNF sipai thite chuan Mizoram ropuina leh zahawmna hi reh thei tawh lo turin an thisenin an ziah hnan niin a sawi. MNF sipai thite ruhro phawrha an la khawm \hin chu mi \henkhatin sawi hnawmin, nep taka chhuah tum \hin mah se, \hangtharte zingah an hlutna a zual zel a, mi \henkhatin zalenna pawh sual lo leh sarthi ang maia an sawi \hin pawh \hangtharte zingah sawi rik ngam a ni lo telh telh niin a sawi. Martar Thlanmuala phum takte hi Sapliana, Durtlang ‘V’ Battalion, |anvela, Aizawl Saron Veng CH Battalion, Saizikpuiia, Sesawng CH Battalion, Vanlalthlamuana, Vanchengpui CH Battalion leh Ralliana, Kei\um Supply Assistant-te an ni a, an ruhrote hi an chhungte ngenna leh remtihna veka lak a ni. Vawiina an mahni thlahna inkhawm hi National Council member, Pu K.Vanlalauva’n a kaihruai a, MNF hruaitute leh an chhungten pangpar an dah a ni.
