Central YMA hruaituten tun thla ni 23-a Larsap an kawmnaah 8th Schedule-a Mizo \awng dahluh hi \ul an tih thu thlenin hmalakpui turin an lo ngen tawh a, hetihlai hian vawiina MZP in 8th schedule-a mizo \awng dah luh chungchanga inrawnkhawmna, Consultation Meeting an buatsaihah hian MZP President chuan he thil hi ngun taka ngaihtuah ngai nia an hriat thu a sawi ve thung a ni.
MZP President Pu Tana chuan 8th Schedule a Mizo \awng dah rawtna awm \hin chu Mizo hnam peng hrang hrang inpumkhatna ti chhe theitu emaw tipumkhattu emaw a nih theih ve ve avangin ngun taka ngaihtuah a ngai tih a sawi a, Zofate inpumkhatna tichhe thei thil chu MZP in a duh lo a, zofate inpumkhatna chu an ngaihpawimawh ber tih a sawi a, zo hnam peng hrang hrang awm mahse inhriat pawh theihna \awng pakhat neih erawh thil pawimawh a nih thu a sawi.
8th Schedule chungchang inrawnkhawmnaah hian Pu Lalmuanpuia Punte leh Pu Lalremruata Tonson te thuziak an zirho a, MZP adviser ten thu an sawi bakah huam zau takin an sawiho a ni.
Inrawnkhawmna hi an pawl Vice President Pu Peter Chhangte-in a kaihruai a, 8th Schedule chungchanga MZP hmalakna te General Secretary Pu Lalnunmawia Pautu in a sawifiah bawk a ni.
