Heng mite hi Alan Kurdi lawng a\angin Maltese lawng sipaiten an la a, hemi hnu hian vaukamah thiarkai leh an ni.
Malta Prime Minister, Joseph Muscat chuan Europe thuneitute leh German sorkar te nen an inbiak hnuah heng mi 65 te hi Europe hmun hrang hrangah an awmna tur buatsaihsak an ni dawn tih a sawi a, hemi hmalam hian ram danga pem tumte phurtu lawng pahnih chu Italy lawng chawlhmunah chawlh an phal loh avangin buaina an lo tawk tawh a ni.
Alan Kurdi lawnga thawkte chuan heng mite zinga 3 te chu an chauh avangin damdawia enkawl vat an ngai tih an sawi a, Italy-a chawlh phalna an hmuh loh hnuah German lawng Sea-Eye puihna-in vaukam hi an thleng thei ta a ni. Sea Eye lawng hian Pathianni khan an chuanna lawng a pil avanga buaina tawk ram danga pem tum mi 50 an lo chhanchhuak tawh bawk a ni.
Hetihlai hian German Interior Minister, Horst Seehofer chuan lawng pahniha an mi phurhte chu an ramin an dawngsawng dawn tih a sawi ve bawk a ni.
