YMA Tlabung branch hruaitute chuan, tun hnaiah Bangladesh atanga bungraw lakluh zuara sumdawngte zingah hnam dang an pung chak hle nia sawiin, chung mite chu anmahni leh sumdawnna an kalpui dan thuk zawka hriatchian tul an tih thu an sawi a, sumdawn chu YMA-in a khap theih ni lo mah se, dik leh felfai taka sumdawng an awm leh awm loh enfiah erawh an mawhphurhnaah an ngaih thu an sawi.
Tukina Tlabung bazar an fankualnaah hian, YMA Tlabung branch hruaitute chuan hnam dang sumdawng mi 9-te kawmin hriat duh an neih apiang an zawtfiah a, tun tuma dawrkai mi 9 an kawmte hi a tul angin branch executive committee-in kokim zawkin an la kawm chiang leh dawn tih an sawi
