Tlabunga khawtlang huap pawl hrang hrang leh Lunglei Thalai Pawl chuan vawiin khan thuchhuah intawm siamin, Tlabung chuan Mizoram tan kawng hrang hranga hlutna nei mah se, ngaihthah a hlawh hle niin an sawi a, hei hian nakin zelah ram leh hnam tan nghawng pawi zawk a la nei thei dawn niin an sawi.
Thuchhuah siamtu pawl hrang hrangte chuan, Mizo-te zinga hnam hmangaihna rilru pu pha lote vangin Chakma-ten anmahni pual UT an ngiat ngam nia sawiin, tlawmthlak an tih thu an sawi a, tun aia na zawka UT nawra hmalakna an tharthawh hmaa thangharh turin Mizoram Sorkar an ngen tih an sawi.
Pawl hrang hrangte hian Tlabung damdawi inah ramdangmiten India khua leh tui nih duh vangin nau an nei thin niin an sawi a, hemi titawp tur hian awmze neia hma la tura Sorkar thuneitute an phut bakah, kawng hrang hranga a pawimawhna thlirin Tlabung chu district headquarters-a hlankai an phut tih an sawi bawk.
