Tlabunga MZP Sub-Hqrs.-in Assembly thlasik \hut khawm zawh fel taka Home Minister, Pu R. Lalzirliana’n kum 5 kal ta chhunga ram dang a\anga dan loa Mizorama pem lut an awm loh thu a sawi chu, official record behchhana sawi a nih avangin dem tur ni lo mah se, ram dang atanga dan loa Mizorama lo pem lut hi an awm ngei tih erawh chu Mizoram mipuiten hria se an duh thu an sawi a, sorkar lehkhaa ziah luh a nih miau chuan, dan lo-a ramri kana Mizorama inbengbel an awm thei lo tih sawiin, dan lo-a ramri kan an awm tih man chhuah a nih rualin, dan angin an chungah hremna lek nghal mai tur niin an sawi a, an inbenbel hmaa thawn kir emaw, dan tlawhchhana hrem theih anga hrem mai tur nia sawiin, sorkar chhinchhiahnaah hian Mizoramah dan lova lut an awm lo nia chhinchhiah a ni dawn tih a chiang sa niin an sawi. Home Minister thusawi hi Chakma hnam behchhana din pawl \henkhat leh Chakma mipuiten, Mizo mipui leh tlawmngai pawl \henkhatte, thu dik lo \an chhanah an puh phah nia sawiin MZP chuan, sorkar chhinchhiah hi dan lo-a ramri k^na lo luh chungchang dinhmun dik tak tarlangtu-ah a pawm tlak loh niin an sawi bawk.
