Maharashtra chu ram chhung state zinga Covid-19 kai damlo ngah ber a la ni chho zel a, mi 1,985 kai awmin mi 149-in an thihpui a, mi 1,619 enkawl mek awmin, mi 217 enkawl dam an ni tawh a, Delhi-in dawtin mi 24 an thi tawh a, mi 27 enkawl dam an ni tawh a, mi 1,103 enkawl mek an ni. Hetihlai hian Kerala-ah chuan hri inkaidarh chuan ziaawm lam a pan hret a, tun dinhmunah mi 195 enkawl lai an awm a, mi 179 enkawl dam an ni tawh bawk.
Hmar chhak State-ah Assam chu Covid-19 kai damlo ngah ber a ni a, mi 29-in an kai tih hmuhchhuah a ni tawh a, mi 1-in a thihpui a, mi 28 enkawl lai an awm mek a, Tripura-ah mi 2 hri leng kai an awm tawh a, Arunachal Pradesh, Nagaland leh Mizoramah pakhat \heuh an awm bawk.
Ram chhung district 364-ah Covid-19 hi a \aidarh tawh a, state tam takin inkharkhip pawhsei an rawt a, Telangana, Maharashtra, Punjab leh Odisha te chuan inkharkhip chu tun thla chhung an pawtsei tih an puang tawh a ni.
