Maharashtra-ah Covid-19 kai an pun belh a, a kai mi 8,068 an awm tawh a, mi 342-in an thihpui laiin, mi 1,076 an dam tawh a, mi 6,650 enkawl mek an ni. Hetihlai hian Gujarat-ah pawh coronavirus kai an pun belh zel a, mi 3,301 zingah mi 151 in an thihpui a, mi 313 enkawl dam an ni tawh a, mi 2,837 enkawl mek an ni. Delhi-ah chuan a kai mi 2,198 zingah mi 54-in an thihpui a, mi 877 enkawl dam an ni tawh a, mi 1,987 enkawl mek an ni.
Rajasthan leh Madhya Pradesh-ah chuan mi sang 2 chuang kai an awm a, thihpui aiin enkawl dam an tam tawh zawk a, enkawl lai mi 1600 chuang an awm mek a ni. Tamil Nadu, Uttar Pradesh, Andra Pradesh leh Telangana-ah chuan mi sang khat chuang hri leng kai an awm a, heng state-ah te pawh hian thihpui aiin enkawl dam an tam zawk a ni. West Bengal-ah chuan mi 649 kai an awm a, mi 20 an thi a, mi 105 an dam tawh a, mi 524 enkawl mek an ni.
Hmarchhak bialah chuan Assam-ah coronavirus kai an tam ber a, 36 zingah mi 27 enkawl dam an ni tawh a, mi 1 a thi a, mi 8 enkawl mek an la ni a, Meghalaya-ah chuan mi 12 zingah mi 1 a thi a, mi 11 enkawl mek an ni a, Tripura leh Manipur-ah mi 2 ve ve an kai a, an dam ve ve tawh a, Arunachal Pradesh-ah pawh hri leng kai pakhat chu a dam tawh a, Mizoramah chuan pakhat enkawl mek a ni.
