Ram chhunga coronavirus kai tawh zawng zawng chu mi 17,265 an tling tawh a, mi 543 an thi tawh a, heng zinga mi 36 te chu darkar 24 chhunga thi an ni.
India ramah hian coronavirus kai zingah thihpui aiin enkawl dam an tam zawk a, tukin thleng khan a kai zawng zawng zinga enkawl dam tawh chu za zela 14.75 an tling tawh a, mi 2,500 aia tam an dam leh tawh a ni.
Pathianni khan Prime Minister, Narendra Modi chuan Covid-19 chu ang khat vekin mipuiteah hna a thawk tih sawiin, sakhua, vun rawng, hnam hrang leh \awng hrangte a thliar ve lo va, ramri a kham hek lo a ni a ti a, hei avang hian mitinte chu he natna do kawngah hian lungrual taka \anho a \ul tih a sawi a, coronavirus vangin tih dan phung pangngaite thlak a ngai a, mahni in \heuh chu an pisa a ni a, internet chu inkawm khawmna, thu pawimawh rel hona hmun a ni tawh a ni a ti a, sorkarin inkharkhip kalpui dan a duan chu thuawih taka zawm zel turin mipuite a chah a ni.
Hetihlai hian Directorate General of Civil Aviation chuan airlines zawng zawngte chu May ni 3 hma chu ticket hralh chhuak rih lo turin a hriattir a, Inkharkhip chhunga ticket lo lei tawhte pawhin refund an dil a nih chuan airline ten chawi awm lovin an refund tur a ni a ti.
