Tun dinhmunah Kerala State chu Covid-19 vei tamna ber a ni a, mi 95 vei awmin, Maharashtra a khum leh tawh a. Maharashtra-ah chuan mi 87-in an vei a, Karnataka-ah 37, Uttar Pradesh leh Rajasthan-ah 33, Telangana-ah mi 32, Delhi-ah mi 31, Gujarat-ah mi 29, Haryana-ah mi 26, Punjab-ah 21, Ladakh-ah 13, Tamil Nadu-ah 12, Andra Pradesh, West Bengal leh Madhya Pradesh-ah 7 \heuh, Chandigarh-ah 6, Jammu & Kashmir-ah 4, Himachal Pradesh leh Uttarakhand-ah 3, Bihar leh Odisha-a 2, Puducherry leh Chhattisgarh-ah mi 1 ve ve-in Covid-19 an vei tih finfiah a ni.
Covid-19 vei thi te chu West Bengal mi 1, Bihar mi 1, Delhi-a cheng mi 1, Punjab mi 1, Himachal Pradesh mi 1, Karnataka mi 1, Maharashtra mi 2, Gujarat mi 1 te an ni a, an vaiin mi 9-in an thihpui tawh a ni.
Hetihlai hian Manipur mi, kum 23-a upa, UK a\anga haw chu Covid-19 vei tih finfiah a ni a, hei hi hmarchhak state-a kai hmasa ber a ni a, Manipur khawpui, Imphal-a Jawaharlal Nehru Institute of Medical Sciences-ah khung hran a ni. Hetihrual hian a chenpui a chhungte pawh dah hran nghal a ni a, Covid-19 an vei leh vei loh enfiah mek a ni bawk.
Ram chhunga State 32 leh Union Territory-a district 560 chu an inkharkhip tawh a, ram chhunga thlawhna service zawng zawng pawh zanin zanlai a\angin tihtawp vek a ni bawk ang.
Prime Minister, Narendra Modi-a’n zanin dar 8-ah coronavirus \aidarh zel chungchanga ram mipuite hriattur pawimawh a sawi leh dawn a ni.
