Mipuite chu boruak thianghlim luh theihna hmunah mahni chauha inkhung tur emaw, a mal mala inkhung hrang thei lo te chu mi pahnih inkara meter 1 tal awl awma khawsa ho turin emaw a chah a, inthiarna pindan pawh a hrang \heuh hmangin turin a ngen a, Covid-19 vei nia inringhlel te chu kum upa lam te, nu naupai te, naupang leh in tifaitute hnaih lo turin a chah a ni.
Sorkar laipui chuan surgical mask hmang tur leh mask chu darkar 6 a\anga darkar 8 hnuah thlak a, an hman hnu chu tiral \hin turin mipuite a chah a, ei leh in siamna hmanrua te, tui leh thingpui in na hmanruate pawh in\awm loh theih ni se a ti bawk.
Dr. Harsh Vardhan chuan Covid-19 vei nia inhria, khuh, khawsik leh thawk lama harsatna tawkte chu health center hnai ber pan vat turin a ngen a, a rang lama helpline number 011-23978046 be pawp turin a chah bawk.
Hetihlai hian sorkar laipui chuan Afghanistan, Philippines leh Malaysia a\anga khualzinte India rama luh a khap a. He khapna hi March ni 11 khan tihchhuah a ni tawh a, vawiin khan khapna thupek pawhseina a tichhuak leh a ni. Heng ram pathuma thlawhna service \hin zawng zawngte chu thupek a chhuah a\anga darkar 15 a ral hnuah an thlawk chhuak thei tawh dawn lo a ni. He thupek hi tun thla tawp ni 31 thleng hman a ni phawt a ni ang.
