Party hrang hrang hruaitute video conference hmanga a kawmnaah Prime Minister hian hri leng a reh hnuah pawh thil awmdan a pangngai thei tawh dawn lo a ni a ti a. Coronavirus darh zel tur venna kawnga hmalak dan tur party hrang hrang hruaitute nen hian an sawiho a ni.
Sorkar chuan ram chhung sum dehchhuah leh thil pawimawh hrang hrangah bul \an \ha turin inkhuahkhirhna chu tlema thlahdul a tum nia sawi a ni a, amaherawhchu, state sorkar ten inkharkhip chu hman chhunzawm zel \haa an hriat vangin sorkar laipui chu inkharkhip pawtsei turin an ngen hlawm a ni.
Prime Minister, Narendra Modi-a’n March ni 24-a inkharkhip a puan hma khan State tam zawkte chuan inkhuahkhirhna an lo kalpui \an tawh ni.
Thawhlehnia Minister inhmu khawm te chuan zirna in zawng zawng chu karleha inkharkhip a tawp hunah pawh kar 4 chhung vel tal chu khar rih \ha an tih thu an sawi a, inhmuhkhawm leh inkawmhona te pawh khap rih \ha an tih thu an sawi bawk.
Defence Minister, Rajnath Singh-a kaihhruaia Home Minister, Amit Shah leh Finance Minister, Nirmala Sitharaman te \hukhawm chuan tun thla ni 14-a inkharkhip a tawp hunah pawh shopping mall te chu kar 4 chhung khar rih ni se an ti bawk.
Assam leh Chhattisgarh sorkar chuan an state ramri zawng zawng khar chhunzawm zel emaw, an ram chhunga lut turte khuahkhirhna emaw kalpui chhunzawm an la tum tih an sawi.
