Hindu sakhuaa \hatna-in sualna a hnehna hriatrengna kutpui, Dussehra, Vijaya Dashmi tia vuah bawk chu vawiin khan ram chhung hmun hrang hrangah Hindu-te’n an lawm a, President Ram Nath Kovind-a leh PM, Narendra Modi-a chuan he ni pual hian ram mipuite chu chibai bukna leh duhsakna an hlan a ni. Hindu-te hian kum tinin September thla velah ni 9 chhung awh, Navarati kut an hmang \hin a, he kut tawpna ni hi Dussehra tia vuah a ni. Ram chhung hmar lam leh chhim lam state-ah chuan Dussehra hi Hindu pathian, Ram-a’n a nupui, Sita-i ru botu, Lanka ram lal, Ravana a hneh hriatrengna leh lawmna ni atan an hmang a, chhak lamah erawh Hindu pathian zinga mi, Durga-in ramhuai lal, Mahisasura a thah hriatrengna atan hman a ni thung. Hindi \awng upa, Sanskrit \awng chuan Dussehra hi chhiatna thlen hnua indinthar leh tihna a ni a, hei vang hian bul \an thar lehna chhiahna atan hman a ni a, Hindu-te chuan eng kutpui, Diwali atana inpuahchah \anna ah an ngai a ni.
Chanchin Thar Ram chhung hmun hrang hrangah Dussehra hmang
