Ram \henawma Muslim ni lo, india rama lutte khua leh tui nihna pek theihna tur dan hi January ni 10, 2020 a\anga hman \an a ni tih sorkar thupuanna, notification ah tarlan a ni.
Citizenship Amendment Act hi December ni 11 ah pass a ni a, he dan hnuaiah hian HIndu, Sikh, Buddhist, Jain, Parsi leh Christian sakhaw betu, Pakistan, Bangladesh leh Afghanistan a\anga kum 2014 December ni 31 hmalama India rama lutte chu khua leh tui nihna pek theih an ni dawn a ni. He dan thar hnuaia dan tesep, Rules erawh duan a la ni lo thung.
He dan sawiseltu leh dodaltute chuan sakhaw behchhana khua leh tui nihna inpek theihna chu ram danpui Constitution kalh a ni an ti a, he dan hi National Register of Citizen hmahruaitu anga ngaih a nih avang leh ram chhunga mirethei tam takin India mi an nihna finfiah theihna tur lehkhapawimawh an neih loh avangin ram tan him loah an ngai a ni.
