Mizorama a lawmna inkhawm pui ber, zing dar 7-a Lammual-a neihah Larsap PS Shreedharan Pillai-in hnam puanzar pawt pharhin parade contingent 30 te a endik a, hnam puanzar chibai an buk a chhang let bawk.
Larsap chuan, Mizoram sorkar kum khat chuang hret a kal chhungin kawng hrang hrangin hmasawnna a thleng tih a sawi a, sorkar laipui, Mizoram Sorkar, Tripura leh Bru ten kum 22 chhung zet sum, tha leh hun sengsoa an buaipui Bru te harsatna chu inremna thuthlung ziakin chin felin a awm ta ani a ti a, sorkarin HPC(D) te inremna a siampui bawhzuiin remna leh muanna kawngah sorkarin a \ul angin hma la a, Sinlung Hills Council pawh boruak muanawm tak hnuaiah hlawhtling taka neih a ni ta tih a sawi a. Hei hian hmasawnna kawnga ke pen a tichak sawt dawn a ni a ti a, Mizoram State Games hlawhtling taka buatsaih a nih thu pawh a sawilang bawk.
Nikum chhungin ei leh bara economic growth rate-ah zaa 14.82 a ni a ti a, ram chhung state dangte nen khaikhin pawhin \hang chak ber pawl a nih thu a sawi. Larsap chuan, Kum 2012-2018 chhungin chawhrualin Mizoram hmasawnna zaa 12.75 a nih thu a sawi a, hetiang taka kal tluan hi alal awm ngai loh thu a sawi a, kum 10 lo awm leh turah chuan retheihna um boin, state intodelh leh sum lakluh inrualkhai takah ala awm theih a rinthu a sawi. Larsap chuan, SEDP hnuaia din board hrang hrang ten SEDP hmalakna tura sorkain a duan department 25 hmalakna an enzuiin an kaihruai dawn a ni a ti a, SEDP hnuaiah National Bamboo Mission nen \angkawpin rua chi hnih Dendrocalamus Latiflorus leh Dendrocalamus Brandisii te chu chinpun \an a ni a ti a. Mipuite’n tui in tur thianghlim hniang hnar taka an hmuh theihnan sorkarin theihtawp a chhuah tih sawiin Larsap chuan, Mizorama khawpui 23 zinga 15 ah tui intur thianghlim In tinah pek an nih thu te, adang zawngah pawh pek theih thuai beisei a nih thu te a sawi a, thingtlang khaw hrang hrang chawm turin water supply scheme 14 siam mek a ni a, kum 2019-2020 chhungin khaw hrang hrang 228 a chhungkaw 34,797 hnenah tui connection pek tum a nih thu a sawi.
Governor hian nikuma President’s Police Medal for Distinguished Service dawngtu mi pahnih, Police Medal for Meritourious Service dawngtu mi pahnih leh Governor’s Medal dawngtu mi pathum hnenah leh Parade ti \ha te hnenah lawmman a hlan a.
Republic Day parade-a telte hi siali keng chi contingent 8, silai keng lo chi contingent 4, sikul contingent 14 leh band party 4 an ni.
Republic Day lawmnaah hian chief minister Pu Zoramthanga, Assembly speaker Lalrinliana Sailo, minister te, MLA-te leh sorkar leh sipai hotu eng emaw zat leh zirlai \hahnem tak an tel a. Lammuala Republic Day lawmna zawh a nih hnu hian Larsap, PS Shreedharan Pillai an a chenna Raj Bhavan-ah sawm bikte tan thungpui ruai a buatsaih a ni.
