Kum 2013 a\ang khan Australia hian raltlan damlo te hi Nauru leh Papua New Guinea-ah a thawn \hin a, Doctor te’n damlo enkawlna hmanrua an indaih loh thu an lo sawi tawh \hin a, UN pawhin raltlan damlo te dahkhawmna hmun hi mihring awm thlak a nih loh thu a lo sawi tawh a, heihlai hian PM Scott Morrison chuan an ramri humhalh nan raltlan te an rama lut tur dangin he bill hi a duang chhuak a, amaherawhchu thlawptu hmu tawk loin, he bill kalh zawngin ammendment siam a ni thung a, kar leh hian upper Senate-a thawnin pass tum a ni ang.
Doctor te hian damlo sawn an ngaih thu an sawiin thuneitute’n an ngaihsak ngai lo niin an lo sawi tawh \hin a, he bill siam\hat hnuaiah hian doctor te’n Nauru leh Manus-a raltlan awmte chu enkawlna dawng turin Australia-ah an thawn thei tawh dawn a ni.
Nikum khan raltlan dah khawmna hmunah hian naupang zingah rilru lama buaina nei, chaw ei thei lo leh mu thei lo an tam hle a, kum 11 vel naupang te zingah mahni intihhlum tumte pawh an awm hial a, puitling 1,000 vel rilru buai an awm bawk ni. Thil awmdan hian mipui te beng a thlen hnuah sorkar chu naupang 100 leh an chhungte Nauru a\anga Australia-a enkawlna dawng tura la turin an dawr a ni.
