Myanmar rama Rakhine state-ah nimin khan Muslim biak in kawtah bomb tihpuah a ni a, Myanmar sipai thupuangtute chuan Mi Chaung Zay-a cheng, mi 700 vel um chhuah tumin hel hoin bomb hi an tipuak niin an sawi a, he khuaa chengte hi an tlan chhuah duh loh avangin Rohingya Muslim mi firfiakte chuan tlai lam \awng\ai hun laiin bomb hi an tipuak niin an sawi a ni. Myanmar ram hruaitu, Aung San Suu Kyi chuan kar kal ta lawk khan Rakhine bial a\ang hian sipai an lak let tawh thu leh, mihring dikna leh chanvo rah behna a thleng chu a duh loh thu a lo sawi tawh a, sipaite hian thla hmasa ni 25-a police-te beitu, Rohingya hel ho an zawng niin thuneitute chuan an lo sawi tawh bawk a ni. Rakhine bula chhawmdawl hna thawk \henkhatte chuan Myanmar sipaite hian raltlan, an rama kir tumte an lo kap \hin niin an sawi thung a ni.
