Rakhine-ah ARSA ten sipai motor lambun, sipai panga hliam

Myanmar rama Rakhine-ah sipai motor lambun a ni a, sipai panga an hliam tih Myanmar sorkar-in a sawi a, Rohingya Muslim hel pawl, Arakan Rohingya Salvation Army chuan he inbeihna hi an tih niin an sawi. Myanmar sorkar chuan nimin khan Bengali mi firfiak 20 rual velin sipai-te hi silai leh chilpuah bomb hmangin an bei niin a sawi a, Arakan Rohingya Salvation Army thupuangtu pawhin he inbeihna hi an tih nia sawiin, mi firfiak pawl an nih loh thu leh, Muslim pawl dang nen inzawmna an neih loh thu, Reuters a hrilh a ni. He thil thleng hian buaina nasa zawk a thlen leh mai a hlauhawm hle a, tun hnaia buaina chhuak sawi hlawh tak pawh kha nikum August thlaa ARSA-ten sipai hmun hrang hrang an beih vang niin Myanmar sorkar chuan a lo sawi fo tawh \hin a ni.