Vawiina thuchhuah a siamah Pu Ronald Sapa Tlau chuan, CAB chu hmarchhak bial State dangten huai leh awmze nei taka an dodal mek laia Mizoram Sorkar-in hma ala ve lo chu \ha lo a tih thu sawiin, hmarchhak biala a MP puiten hemi chungchang an zawh apianga sawi tur neih ve loh chu heh a hil duh hle tih a sawi a ni. Naktuk thawhlehni hi Rajya Sabha rorel inkhawma Supplementary Bill-a Citizenship (Amendment) Bill, 2016 chhawp chhuah tura rin a nih laiin, vawiin tlai dar 3 thleng khan thuthar a la awm thei lo nia sawiin, Pu Ronald Sapa Tlau chuan, hemi chungchangah hian an party hotute leh an mahni thlawptu Party dangte nen an inbiak pawh reng thu a sawi a. Vawiin chawhnu khan hmarchhak bial a\anga Rajya Sabha member 10-ten he Bill dodal thei tur nia rinte hnenah a dodal zawng vote thlak tura ngenna lehkha an pe chhuak leh vek nia sawiin, vawiina Rajya Sabha rorel inkhawm pawh chhan hrang hrang vangin a kal hlei thei lo niin a sawi a ni.
Pu Ronald Sapa Tlau chuan, Citizenship (Amendment) Bill, 2016 chu Rajya Sabha-a Pass a nih loh nana Mizorama tlawmngai pawl intelkhawm, Joint NGO Coordiantion Committee-in hma an la reng leh amah an be pawp reng leh Mizoram Kohhran Hruaitute Committee huaihawta ram pum huapa \awng\ai a ni chu thlamuan thlak a tih thu pawh sawiin, theih tawp chhuaha an hmalakna chuan rah \ha a chhuah ngei a beisei tih a sawi a ni.
