Aizawla thuthar thehdarhtute a kawmnaah he thu hi sawiin Pu Ronald Sapa Tlau chuan, Citizenship Amendment Bill pass a nih chuan, a tuar ber tur chu Mizoram a ni dawn a, Bangladesh a\angin Buddhist sakhaw zuitu leh Chakma te awlsam takin an rawn lut thei ang a, awlsam taka khua leh tui an nih theih mai tawh dawn avangin ram neitute chu kar lovah an chimral thei dawn a ni a ti. Pu Ronald Sapa Tlau chuan, tunhmaa la thleng ngai lo sakhaw behchhana hleih nei
taka dan siam tumah BJP sorkar chu puhin an hmalak dan chu Hindu
kulmut Hindutva hovin Mosolman leh Kristian-te chimral an tumna a ni a ti bawk.
Pu Ronald Sapa Tlau chuan, Bill duan tirhin sakhaw hrang hrang an huam tirah Kristian a tel lo nia sawiin, sawiselna a nasat avangin a hnuah hmaiphih nan an telh leh a ni a ti a, Citizenship Amendment Bill 2016 chu pass a nih loh nan theihtawpin House ah leh an theihna zawnah hma an la tih a sawi a, hmarchhak state hrang hrang MP te chu he bill pass a nih lohna tur leh he pass anih pawha Hmarchhak state huam tir lo turin an \angkhawm mek niin a sawi.
