Vawiina Kolasib Press Club-a thuchat lakhawmtute a kawmnaah Pu Ronald Sapa Tlau chuan Mizoram MP Candidate zingah Independent Candidate, Pu Lalnghinglova Hmar chu MP atan a \ha ber nia sawiin \halaite pawhin an it rawn niin a sawi a, tun \uma MP thlanna neih tur chu \um danga MP thlanna neih tur nen a inang lo a, a phena thil lian tak awm, Citizenship Amendment Bill chu an thu inchuh a nih avangin mipuite pawhin ngaihtuahna an hman fimkhur a ngai hle a ni, a ti. Pu Ronald Sapa Tlau chuan, CAB hian Mizo mipuite a tinzawn bik nia sawiin, he ruahmanna hian Mizoram huam lo tura an lo nawr tawh \hinna chu hnawlsak an ni a, a bikin Mizote chu Kristian sakhaw betute an nih avangin beih an chak phah niin a sawi.
Chief Minister Pu Zoramthanga’n CAB chungchang Prime Minister a sawipui thu a sawi chu meeting minute pawh hmuh tur a awm lo a ni a, a ngenna chungchangah Prime Minister chuan engmah hmalakna a nei bawk lo niin Pu Ronald Sapa Tlau chuan a sawi a, Chief Minister Pu Zoramthanga’n Prime Minister a hmu zo chu a ngawi mai mai a, Nagaland CM-in Prime Minister a hmu zo erawh chuan Press mite a hmu nghal a ni a ti. MNF MP Candidate, Pu C. Lalrosanga chu kum 10 chhunga Congress sorkar hnathawh leh MNF sorkar thla 3 chhung hnathawh intluk deuhthaw anga sawiah puhin hei hi mi zawng zawng tana awih chi a ni lo a ti a; tehna hrang hrang a\anga tehin MP Candidate zingah ZPM leh Congress-in an thlawp Independent Candidate, Pu Lalnghinglova Hmar chu MP atan \ha ber nia sawiin, MP a nih anga thawhpui atan pawh a it ber thu a sawi.
