Vawiina Aijal Club Conference Hall-a thuthar lakhawmtute a kawmnaah he thu hi sawiin, Pu Ronald Sapa Tlau chuan, kumina Mizoramin inthlanpui a hmachhawn tur chu kum danga Political Party-te inbeihna satliah ang kha ni lovin, tun hmaa la hriat ngai loh lo tel belh an awm avangin mipuiten ngaihtuahna fim tak an hman a ngai dawn niin a sawi a. BJP hian hmarchhak biala Kristian tamna State ve thi Meghalaya leh Nagaland-ah sorkar an siam tawh a, heng state pahniha mipuite hian tunah an tuar mek avangin Mizo mipuiten an tawrh ve hmaa hnawl a \ul a ni, a ti. Pu Ronald Sapa Tlau chuan, BJP leh MNF-in an thawh ho loh thu an puang chu an thawh hona thup an tumna mai nia sawiin, BJP kaihhruai North East Democratic Alliance-a an thawh honaa MNF President, Pu Zoramthanga hming ziak chu lak let theih a ni tawh lo niin a sawi a, Kristian vote an hmuh loh an hlauh avangin an thawh hona hi an zep mai mai niin a sawi. Pu Ronald Sapa Tlau chuan, Hindu-te thil tum ber chu India hi Hindu rama siam a ni tih sawiin, India tih pawh Hindustan tia thlak an duh a, ram danpuia sakhaw zalenna, Secularism pawh nuai bo an tum nia sawiin, hei hi an tihhlawhtlin theih loh nan thil dang zawng zawng dah\ha a, Politics-a ngaihdan leh duh dante hlip a, Mizo sakhua leh hnam a him theih nana \anlak a \ul a ni, a ti a. Tun hnaia Mizoramin harsatna a thawk chungchangah pawh BJP duh ber chu Presidents’ Rule-a Mizoram dah a ni a, thla 6 chhung vel Sorkar an kaihhruai hnuah an duh duhin thil an ti ang a, chutih hunah chuan tuna mi\ha awm deuh deuha langte pawh BJP hnuaia an intukluh a \ul hun a awm ang tih a hlauhawm avangin fimkhur taka thil kalpui a \ul a ni, a ti bawk.
