Rajya Sabha inkhawmah hnam hnuaihnung leh tlem zawkte enkawltu, National Commission for Backward Classes, NCBC thuneihna tam zawk pekna tur, The Constitution (123rd Amendment) Bill 2017 pawm a ni.

He bill hi kar kalta ningani khan Lok Sabha chuan a lo pawm tawh a, NCBC hi kum 1993 khan a ding \an a, Other Backward Class zinga hnam khat telh emaw paih emaw chungchanga sorkar laipui hnena thurawn pe tura din a ni a, Bill thar hian ram danpui tlawhchhanin thuneihna tam zawk a pe dawn a ni. Union MInister for Social Justice and Empowerment, Thaawarchand Gehlot chuan he bill hian OBC hnam-te dinhmun nasa takin a tidanglam dawn niin a sawi a, rorelna dik an hmuh theihna tur leh an laka pawikhawihna thleng \hin tihtawpna atana bul \antu a nih tur thu te a sawi bawk a, he bill hian NCBC chu National Commission for Scheduled Castes leh National Commission for Scheduled Tribe-te dinhmun ang pek ve a tum thu a sawi bawk a ni.